Makala

Watahiniwa darasa la saba 2013; Watafaulu au watafaulishwa?

Share bookmark Print Email
Email this article to a friend

Submit Cancel
Rating

Mtihani unaendelea. Baadhi ya wadau wa elimu wana shaka na muda mdogo uliotolewa kutekeleza mpango wa Matokeo Makubwa Sasa, ambao pamoja na mambo mengine  unasisitiza kupanda kwa  kiwango cha ufaulu kwa wahitimu wa darasa la saba  kuanzia mwaka huu. Picha ya maktaba 

Na Fredy Azzah, Mwananchi

Posted  Jumanne,Septemba10  2013  saa 14:19 PM

Kwa ufupi

  • Ili kutekeleza mpango wa Matokeo Makubwa Sasa, maofisa elimu walikula kiapo cha kupandisha kiwango cha ufaulu kwa wanafunzi wa mwaka huu kutoka asilimia 31 hadi 60
SHARE THIS STORY

Desemba 20 mwaka huu, Serikali ilitangaza matokeo ya Mtihani wa Taifa wa Darasa la Saba wa mwaka 2012, yaliyooonyesha kufeli kwa idadi kubwa ya watahiniwa.

Ni kwa sababu hiyo, Serikali iliamua kuwapa fursa ya kuendelea na elimu ya sekondari hata watahiniwa waliopata alama chini ya 100 tofauti na utaratibu ulivyo.

 Kwa mujibu wa taratibu za mitihani ya darasa la saba, jumla ya alama zote ni 250 ambazo hugawanywa katika madaraja matano yaani ni A mpaka E.

Mchanganuo uko hivi: Daraja A huanzia alama 201 hadi 250, B inaanzia  151  hadi  200.  Daraja C ni 101 hadi 150 na D  inaanzia 51  hadi  100 . Chini ya alama 50 ni daraja E.

Kwa mtihani wa mwaka jana, asilimia 40 ya watahiniwa walipata daraja D, lakini bado wakachaguliwa kujiunga na elimu ya sekondari.

Watahiniwa wapya 2013

Wakati kumbukumbu za matokeo hayo mabaya zikiwa bado katika vichwa vya Watanzania, kuanzia kesho hadi keshokutwa wanafunzi wa darasa la saba 868,030 wanatarajiwa kufanya mtihani wa kumaliza elimu yao ya msingi mwaka huu.

Watoto hawa watakuwa zao la kwanza tangu Serikali izindue Mpango wa Maendeleo Makubwa Sasa, ambao katika upande wa elimu uzinduzi wake ulifanyika Agosti 15 mwaka huu.

Katika uzinduzi huo, maofisa elimu walikula kiapo cha kutekeleza mpango huo, ambao baadhi ya matokeo yake yanatakiwa kuanza kuonekana mwaka huu.

Moja ya matokeo ambayo maofisa elimu hao wameapa kuwa yataonekana kuanzia mwaka huu ni kupandisha ufaulu wa mtihani wa darasa la saba mwaka kutoka asilimia 31 mwaka jana mpaka 60 mwaka huu.

Pia wameapa kupandisha ufaulu wa mtihani wa kidato cha nne kutoka asilimia 43 mwaka jana mpaka asilimia 60 mwaka huu.

Katika malengo hayo pia, watendaji hao waliapa kufikisha ufaulu wa asilimia 70 kwa mwaka 2014  kutoka 60 za mwaka huu, na hatimaye ufaulu wa asilimia 80 au zaidi ifikapo mwaka 2015.

1 | 2 | 3 Next Page»

Kipanya April

Kp Machi

KP Feb

KP Jan