Michezo

Wiki nne za Simba kitanzini

Share bookmark Print Email
Email this article to a friend

Submit Cancel
Rating

 

Na Sosthenes Nyoni, Mwananchi

Posted  Ijumaa,Marchi21  2014  saa 13:5 PM

Kwa ufupi

  • Simba ipo nafasi ya nne ikiwa na pointi 36, wakiachwa pointi nane na vinara Azam na nne kwa Yanga.
SHARE THIS STORY

Dar es Salaam. Ikiwa imepoteza matumaini ya kutwaa ubingwa msimu huu na kuziachia vita hiyo Azam FC na Yanga, klabu ya Simba wanakabiliwa na safari ngumu ya siku 30 watakapocheza mechi zake tano zilizosalia msimu huu.

Wekundu hao wa Msimbazi walioko katika nafasi ya nne wakiwa na pointi 36, wataanza safari hiyo ngumu Jumapili kwenye Uwanja wa Taifa kwa kuumana na Coastal Union inayokamata nafasi ya saba ikiwa imejikusanyia pointi 26. Pamoja na kupata kipigo kikubwa kwa Azam wiki iliyopita, Coastal huwa sumbufu inapokutana na klabu kubwa.

“Mechi na Coastal itakuwa ngumu,” alisema Zdravko Logarusic. “Sihitaji kuizungumzia sana, lakini nategemea matokeo yoyote kwa timu yangu, kuwakosa (Amisi) Tambwe, (Betram) Mombeki na Uhuru (Selemani) ni pigo.”

Katika mchezo wa mzunguko wa kwanza, Coastal Union, ambayo iliweka kambi Oman mwishoni mwa mwaka, ililazimishwa sare ya bila kufungana mjini Tanga.

Pia, Simba itashuka kwenye Uwanja wa Taifa Machi 30 kukwaana na Azam FC ambayo inakamata usukani wa Ligi Kuu ikiwa na pointi 44, pia haijapoteza mchezo hata mmoja mpaka sasa.

Azam inapigana kufa na kupona kutwaa ubingwa wa Bara kwa mara ya kwanza baada ya kuukaribia kwa misimu miwili.

Mechi nyingine ya Simba ni dhidi ya Kagera Sugar Aprili 4 kwenye Uwanja wa Kaitaba mjini Bukoba.

Mchezo mwingine utakuwa dhidi ya Ashanti United Aprili 13 kwenye Uwanja wa Taifa. Ashanti iko kwenye vita kali ya kukwepa kushuka daraja na hivyo itaipa Simba wakati mgumu.

Simba italazimika kufanya kazi ya ziada katika mchezo dhidi ya mpinzani wake wa jadi Yanga iliyoko nafasi ya pili ikiwa na pointi 40, ambao utachezwa Aprili 19 kwenye Uwanja wa Taifa.

Ili iweze kuinyima Azam nafasi ya kutwaa ubingwa, Yanga inahitaji kushinda mechi zote zilizosalia na kuiombea Azam kuteleza.


Michezo

Yanga yampa cheo kingine kocha wao

Share bookmark Print Email
Email this article to a friend

Submit Cancel
Rating

 

Na Imani Makongoro, Mwananchi

Posted  Alhamisi,Januari16  2014  saa 9:15 AM

Kwa ufupi

  • Hivi sasa Plyum atakuwa kocha mkuu na mkurugenzi wa ufundi wa Yanga.
SHARE THIS STORY

Dar es Salaam. Uongozi wa klabu ya Yanga umemwongezea  majukumu kocha wao mpya, Hans Van Der Plyum raia wa Uholanzi  kwa kumpa cheo cha Mkurugenzi wa Ufundi huku ukimtaka  awasilishe kwa maandishi ripoti yake kila wiki.

Plyum ambaye amesaini mkataba wa miezi sita kuinoa Yanga ambao  utamalizika Juni 30, tayari amejiunga na kikosi hicho kilichopo  kambini nchini Uturuki, ambapo kilikuwa chini ya kocha msaidizi, Charles Boniface Mkwasa.

Akizungumza jijini jana, Makamu Mwenyekiti wa klabu ya Yanga, Clement Sanga alisema wameamua kumpa Ukurugenzi wa Ufundi  kocha huyo wakiamini kuwa anaweza kufanya kazi yake kama kocha  na kutekeleza majukumu hayo mengine ndani ya klabu.

“Tunamwamini kocha wetu mpya, anaweza kutekeleza majukumu  yake, lakini tunachokitaka ni uongozi kuwa karibu na benchi la ufundi  na tulichokiamua ni kocha kutuletea ripoti ya mwenendo wa timu tena  kwa maandishi na siyo kwa maneno kama ilivyokuwa awali kila wiki,” alisema Sanga.

Alisema kocha huyo amewasili nchini Uturuki na lengo la kumpeleka  huko saa chache baada ya kusaini mkataba ni kuungana na timu hiyo  na kuendelea na programu aliyoanza nayo kocha msaidizi Mkwassa  ambaye anatarajiwa kurejea nchini keshokutwa Jumamosi.

“Mkwasa ana matatizo ya kifamilia na Januari 18 atarejea nchini,  hivyo tumeona ni vyema kocha Plyum akawa naye kwa siku hizo  chache na kumpa programu alizoanza nazo ili yeye aendelee hapo  baada ya Mkwasa kuondoka kambini,” alisema Sanga.

Akizungumzia hatima ya kiungo wa timu hiyo, Athuman Iddi ‘Chuji’,  Sanga alisema suala lake limepelekwa kwenye kamati yao ya nidhamu  ya Yanga ambayo itakaa na uongozi kuona nini cha kufanya juu ya  mchezaji huyo aliyesimamishwa kwa muda usiojulikana kwa kile kilichodaiwa ni utovu wa nidhamu.

“Uongozi haupo kwa ajili ya kutoa adhabu ya kumkomoa mchezaji,  Chuji ameleta barua ya kuomba msamaha hivyo uongozi bado  unalijadili suala lake ambalo lipo chini ya kamati ya nidhamu,”  alisema Sanga na kuongeza kitendo cha Chuji kuachwa safari ya  Uturuki ni adhabu tosha.

Wakati huo huo, Yanga imewataka wanachama ambao  hawajalipia ada zao kufanya hivyo ili wapate haki ya kushiriki kwenye  mkutano mkuu utakaofanyikaJanuari 19.


Michezo

Ronaldo, Messi wanyimana kura

Share bookmark Print Email
Email this article to a friend

Submit Cancel
Rating

Cristiano Ronaldo 



Posted  Jumatano,Januari15  2014  saa 10:23 AM

Kwa ufupi

  • Mwaka 2013 pekee, Ronaldo amefunga mabao 66 katika mechi 56 alizocheza akiwa na Real Madrid na Ureno.
SHARE THIS STORY

Zurich, Uswisi. Wakati wote kushinda tuzo ya Ballon d’Or inatokana na ushindani wa hali ya juu nje ya uwanja kuwa nani mwenye mvuto na kipaji binafsi.

Kwa miezi kadhaa iliyopita vita ilikuwa nani anastahili kuwa mwanasoka bora kati ya nyota wawili, Cristiano Ronaldo na Lionel Messi.

Kila moja alikuwa na mtazamo wake juu ya nani anayestahili kushinda, japokuwa mwisho wa siku Cristiano Ronaldo amefanikiwa kunyakua tuzo hiyo kwa kupata kura nyingi zaidi ya wenzake.

Kwa mujibu wa matokeo, Ronaldo alipata kura 1365 akimshinda Messi aliyepata kura 1,205 na Ribery akiambulia kura 1,127.

Mfumo wa kupiga kura unafanywa kwenye tovuti ya Fifa, kwa chaguo la kwanza ni pointi tano, pointi tatu kwa chaguo la pili na pointi moja kwa chaguo la tatu, kwa kile kichotegemewa na wengi si Messi wala Ronaldo aliyempigia kura mwenzake kuwa chaguo la kwanza.

Jambo la kushangaza ni wawili hao kutomchagua yeyote aliyekuwa kwenye orodha ya wachezaji watatu wa mwisho.

Kura hizo zilipigwa na manahodha wa timu za taifa, makocha na wanahabari wa nchi wanachama wa FIFA.

Nahodha wa Argentina na Ureno, Messi na Ronaldo waliruhusiwa kupiga kura, lakini hawakutakiwa kujipigia kura wenyewe.

Messi yeye alitoa kura zake kwa wachezaji wenzake wa Barcelona, alimpa kura ya kwanza Andres Iniesta, Xavi na Neymar.

Ronaldo yeye alimpa kura ya kwanza mshambuliaji wa Colombia na Moncao, Radamel Falcao, huku nafasi ya pili akimpa Gareth Bale pamoja na Mesut Ozil.

Messi atakuwa na jambo la kujadili na kocha wake wa timu ya  taifa Alejandro Sabella, aliyempa Ronaldo pointi muhimu kwa kumchagua wa tatu, huku Messi akiwa wa kwanza na Franck Ribery.

Winga wa Bayern Munich alimaliza nafasi ya tatu, huku nahodha wa Ufaransa, Hugo Lloris na kocha wake Didier Deschamps wakimchagua Ribery kuwa wa kwanza.

1 | 2 Next Page»

Michezo

Timuatimua kuendelea TFF

Share bookmark Print Email
Email this article to a friend

Submit Cancel
Rating

Rais Mpya wa Shirikisho la Soka Tanzania Jamal Malinzi 

Na Majuto Omary, Mwananchi

Posted  Novemba9  2013  saa 11:24 AM

Kwa ufupi

  • Mabadiliko hayo yanatarajiwa kufanyika mara baada ya wakuu mbalimbali wa Idara kumaliza muda wao ifikapo Desemba 31 mwaka huu na hakuna mpango wa kuwaongezea mkataba baadhi ya wakuu wa idara hao
SHARE THIS STORY

Dar es Sakaam. Shirikisho la Kandanda nchini (TFF) linatarajia kufanya mabadiliko makubwa ya wakuu wa idaara mbalimbali kwa lengo la kuleta kasi na ari mpya baada ya uongozi mpya kuingia madarakani.

Mabadiliko hayo yanatarajiwa kufanyika mara baada ya wakuu mbalimbali wa Idara kumaliza muda wao ifikapo Desemba 31 mwaka huu na hakuna mpango wa kuwaongezea mkataba baadhi ya wakuu wa idara hao.

Habari za uhakika kutoka kwa mmoja wa viongzi wa juu wa TFF zilisema kuwa shirikisho hilo linatarajia kutangaza nafasi za kazi kwa upande wa wakuu wa Idara ifikapo Novemba 15 na mpaka sasa, kitengo cha habari chini ya Ofrisa Habari, Boniface Wambura pekee ndicho hakitaathirika na mabadiliko hayo.

Hatua ya kumbakiza Wambura inatokana na ufanisi katika kazi yake na kuvutiwa na Kamati ya Utendaji na kufikia hatua ya kumteua kuwa Kaimu Katibu Mkuu baada ya kupewa likizo yenye malipo kwa aliyekuwa anashikilia nafasi hiyo, Angetile Osiah.

Taarifa hizo zimesema kuwa Wambura anapigiwa chapuo kubwa kushika wadhifa huo kutokana na utendaji wake bora wa kazi.

“Tumeamua kufanya kazi ya kuleta maendeleo katika soka la Tanzania, hivyo chukulieni mabadiliko haya ni ya kawaida na hasa kwa uongozi ambao unataka kuweka historia ya maendeleo ya soka nchini.

“Mabadiliko hayana muda maalum, hakuna cha kusubiri kwani mtu anapimwa kutokana na ufanisi wake na wala si vinginevyo, kuna watu wamesema mamuzi ya kumsimamisha Katibu Mkuu ni ya kisasi, siyo kweli kwani ni maamuzi ya pamoja,” alisema mmoja wa viongozi wa TFF.

Alisema kuwa kampuni ya KPMG inatarajiwa kupewa kazi ya kuwatafuta wafanyakazi wapya (wakuu wa idara) wa shirikisho hilo na kuwataka wadau wa michezo kukaa ‘mkao wa kula’ ili kutuma maombi yao.

Nafasi ambazo zinatarajiwa kutangazwa ni Mkurugenzi wa Idara ya Fedha ambayo ipo chini ya Kaimu Mkurugenzi, Yonaza Seleki, Mkurugenzi wa Utawala na Wanachama (tupu), Mkurugenzi wa Mashindano (Saad Kawemba), Mkurugenzi wa Masoko na Matukio (James Kabwe) na Mkurugenzi wa Ufundi iliyo chini ya kocha maarufu Sunday Kayuni.

 


Kipanya April

Kp Machi

KP Feb

KP Jan