JPM awasili viwanja vya Jamhuri kwa sherehe za Muungano

Dodoma. Rais John Magufuli amewasili katika viwanja vya Jamhuri kwa ajili maadhimisho ya sherehe za miaka 53 ya Muungano.

Rais amewasili saa 3; 15 akiwa kwenye gari la wazi.

Viongozi wengine, wakiwamo mawaziri na wabunge walifika katika uwanja huo kuanzia saa 1:20 hadi saa 1:30 asubuhi.

Kiongozi wa kwanza kuwasili ni Waziri Kiongozi Mstaafu Shamsi Vuai Nahodha ambaye alifika saa 1:25 asubuhi akifuatiwa na Waziri Mkuu Mstaafu John Malecela aliyefika saa 1:30 asubuhi.

Rais Mstaafu, Jakaya Kikwete aliwasili saa 2:20 asubuhi.

Uwanja wa Jamuhuri umepambwa kwa rangi  za bendera  ya Taifa na watu wote wanaoingia wamegawiwa bendera  za Taifa ndogo za mkononi.

Watu walianza kuingia uwanjani saa 12: 30 asubuhi kwa kutumia mageti kadhaa ambayo yalipangwa kutumika  kwa ajili ya kupita wageni.