Mume, mke wauawa kikatili
Kaimu Kamanda wa Polisi Mkoa wa Geita, Isack Msengi alisema tukio hilo lilitokea Julai 22 saa tatu usiku nyumbani kwao.
Muktasari:
Kaimu Kamanda wa Polisi Mkoa wa Geita, Isack Msengi alisema tukio hilo lilitokea Julai 22 saa tatu usiku nyumbani kwao.
Geita. Mume na mkewe katika Kitongoji cha Nyag’holongo, Wilaya ya Bukombe mkoani Geita, wameuawa kwa na watu wasiojulikana wakituhumiwa kuwa ni wachawi.
Kaimu Kamanda wa Polisi Mkoa wa Geita, Isack Msengi alisema tukio hilo lilitokea Julai 22 saa tatu usiku nyumbani kwao.
Aliwataja wanandoa hao kuwa ni Machene Magina (80) na Mkewe Genke Bundara (75), ambao waliuawa na wananchi wakiwatuhumu kwa uchawi. Alisema watu watano wanashikiliwa kwa upelelezi.
Diwani wa Kata ya Nanda, Jumamosi Mathias alisema kundi la watu ambalo halijulikani lilivamia familia hiyo wakati ikijiandaa kulala na kufanya mauaji hayo.
