Rais Erdogan atua na wafanyabiashara 85
Rais wa Uturuki, Recep Erdogan na mkewe, Emine Erdogan (kulia) akiongozana na Waziri Mkuu, Kassim Majaliwa (kushoto) baada ya kuwasili kwenye Uwanja wa Ndege wa Kimataifa wa Julius Nyerere, Dar es Salaam jana kwa ziara ya siku mbili. Picha na Ofisi ya Waziri Mkuu
Dar es Salaam. Rais wa Uturuki, Recep Erdogan amewasili nchini kwa ziara ya kikazi ya siku mbili, akiwa ameambatana na wafanyabiashara 85 wa nchi hiyo.
Baada ya kuwasili, Rais Erdogan ambaye pia ameambatana na mke wake, Emine Erdogan aliepokelewa katika Uwanja wa Ndege wa Kimataifa wa Julius Nyerere (JNIA) na Waziri Mkuu, Kassim Majaliwa.
Pia, Rais Erdogan ameambatana na mawaziri watatu ambao ni Waziri wa Mambo ya Nje, Mevlüt Çavuşoğlu; Waziri wa Uchumi, Nihat Zeybekekci na Waziri wa Nishati na Maliasili Berat Albayrak.
