Waziri aivunja Bodi ya soko la Kariakoo
Muktasari:
Uongozi huo ulipewa jukumu la kumshauri Waziri wa Tamisemi lakini imeshindwa kufanya hivyo
Waziri wa Nchi Ofisi ya Rais Tawala za Mikoa na Serikali za Mitaa George Simbachawene ameivunja bodi ya Shirika la Masoko Kariakoo baada ya kushindwa kutekeleza majukumu yake ya msingi.
Taarifa kwa vyombo vya habari iliyosainiwa na Msemaji wa Ofisi ya Rais Tawala za Mikoa na Serikali za Mitaa Rebecca Kwandu ilisema kwamba uamuzi huo ni baada ya uongozi kushindwa kutekeleza majukumu yao ya msingi waliyopewa ya kumshauri Waziri wa Nchi Tamisemi juu ya uendeshaji wa Soko hilo.
