Wapinzani waandamana Malawi kulalamikia ushindi wa Rais Peter Mutharika

Thursday June 20 2019

Lilongwe. Maelfu ya wafuasi wa upinzani wamekuwa wakiandamana nchini Malawi kulalamikia matokeo ya Uchaguzi Mkuu uliofanyika Mei na Rais Peter Mutharika kutangazwa mshindi.

Wafuasi hao kutoka chama cha MCP na kile cha UTM wanapinga ushindi wa Mutharika na kuwa mgombea mkuu wa upinzani, Lazarus Chakwera aliibiwa kura.

Maandamano hayo yaliyohudhuriwa na maelfu ya waandamanaji, yamefanyika jijini Lilongwe, Blantyre na Zomba, kwa mujibu wa RFI.

Wakati wa maandamano hayo, waandamanaji waliimba nyimbo za kumsifu Chakwera na kumtaka Mwenyekiti wa Tume ya Uchaguzi, Jane Ansah kujiuzulu.

Vilevile, wapinzani walikwenda mahakamani kupinga ushindi wa Rais Mutharika na majaji wanatarajiwa kutoa uamuzi leo Ijumaa.

Rais Mutharika ambaye tayari ameanza muhula wa pili, alipata ushindi mwembamba wa kura 1,940,709 dhidi ya mpinzani wake aliyepata kura 1,781,740; na baada ya matokeo kutangazwa aliapishwa chapchap siku hiyo

Advertisement

Advertisement