Mkwawa Tobacco Processors Limited kuleta mapinduzi, kuongeza tija katika sekta ya tumbaku

Tumbaku ni mojawapo ya mazao ya biashara yanay­oongoza nchini, ikiwa na nafasi muhimu katika ajira, mapato ya kigeni na maende­leo ya kijamii. Sekta hii ina historia ndefu, iliyoanza ras­mi katika kipindi cha ukoloni na kuendelea kukua baada ya Uhuru.

Kilimo cha tumbaku kina­fanyika zaidi katika maeneo ya Magharibi na kati mwa Tanzania, ikiwemo mikoa ya Tabora, Iringa, Kigoma, Mbeya na Singida. Wakulima wadogo ndiyo wazalishaji wakuu wa tumbaku, wakili­ma chini ya mfumo wa ush­irika au kupitia mikataba na kampuni za ununuzi.

Sekta ya tumbaku ina mchango mkubwa katika uchumi wa Tanzania. Kwa mujibu wa takwimu, tumba­ku ni miongoni mwa mazao yanayochangia kwa kiasi kikubwa mapato ya kigeni. Pia, sekta hii inachangia ajira kwa mamilioni ya watu, iki­wa ni pamoja na wakulima, wafanyakazi wa viwanda vya usindikaji, na wale wanao­husika na usafirishaji.

Pamoja na mchango wake mkubwa, sekta ya tumbaku inakabiliwa na changamoto kadhaa. Moja ya changa­moto hizo inatajwa kuwa ni bei ya tumbaku kwenye soko la dunia kuyumba, jambo ambalo linawaathiri waku­lima.

Serikali na wadau wa sekta hii wamekuwa wakifanya juhudi mbalimbali za kuk­abiliana na changamoto hizi. Moja ya mikakati ni kuhimiza matumizi ya teknolojia bora katika kilimo cha tumbaku ili kuongeza uzalishaji na ubora wa zao hilo.

Moja ya wadau wakubwa wa sekta ya tumbaku nchi­ni ambao wamefanya na wanaendelea kufanya juhudi kubwa katika kuleta mapein­duzi ya sekta hiyo ni Kiwanda cha Mkwawa Leaf Tobacco.

Mkwawa Leaf Tobacco kimeleta mapinduzi makub­wa katika sekta ya tumbaku nchini kwa kutoa fursa mpya za ajira.Kiwanda hiki kime­kuwa na athari kubwa katika uchumi hasa kwa wakulima wa tumbaku.

Kwa kuanzisha miundom­binu bora na teknolojia za kisasa za usindikaji, kampu­ni hii imeboresha ubora wa bidhaa na kuongeza thamani ya tumbaku inayozalishwa nchini.

Katika kuhakikisha kinaendelea kuongeza tha­mani katika zao la tumbaku na kuwanufaisha wakulima wa zao hilo, MTPL kimean­za utekelezaji wa mradi wa ujenzi wa kiwanda kikubwa cha Sigara cha Serengeti (SCC) kilichopo Morogoro.

Ili kuleta mapinduzi na kuongeza aina za sigara zin­azozalishwa ndani katika soko la kimataifa kwa malen­go endelevu, Mkwawa Leaf Tobacco imeanza kutekeleza mradi wa ujenzi wa Kiwan­da kikubwa cha Sigara cha Serengeti (SCC) kinachojen­gwa mkoani Morogoro.

Kupitia njia 10 za uzalish­aji, kiwanda cha SCC kina­tarajiwa kuongeza ajira hadi na kuufanya Mkoa wa Moro­goro kuwa chanzo kikuu cha mapato kutoka nje na ndani.

Uzinduzi wa kiwanda hicho ulifanyika Agosti 6, 2024 ambapo mgeni rasmi alikuwa Rais wa Jamhuri ya Muungano wa Tanzania, Samia Suluhu Hassan.

Akizungumza katika hafla ya uzinduzi wa ujenzi wa kiwanda hicho, Rais Samia amesema kiwanda hicho kina umuhimu mkubwa sana kwa Taifa na Serikali kwa sababu ya kuzalisha ajira kwa vijana.

“Mkwawa Leaf Tobacco kupitia kampuni dada ya Mkwawa Tobacco Processors Limited (MTPL) imesaidia kwa kiasi kikubwa kuzalisha ajira sasa ikiwa na wafan­yakazi 5,000 huku ikiongeza uwezo wa kusindika tumba­ku kutoka tani 70,000 mpaka kufikia tani 180,000” alisema Rais Samia.

Alisema kiwanda hicho pia kinakwenda kuongeza mau­zo ya tumbaku nje ya nchi jambo linalosaidia kuon­geza mapato kwa wakulima wa tumbaku kutokana na kupanda kwa bei ya tumbaku kutoka Dola 1.4 mpaka 2.4 kwa kilo.

Rais Samia alisema uwekezaji uliofanyika ume­saidia kuwapa wakulima wa tumbaku nguvu na ari ya kulima zao hilo. “Uwekezaji huu unamuwezesha mkulima wa tumbaku kuuza kila kitu kuanzia jani lenyewe, mizizi ya jani, viungio vya majani nk ambavyo vinachakatwa hapa nchini kupitia MTPL.”

Rais Samia pia alitoa rai kwa kiwanda hicho kusi­mamia mkakati wa kuwapa nguvu wakulima na kuwa­sihi kuunga mkono juhudi za Serikali katika kusimamia utunzaji wa mazingira husu­sani kwenye shughuli za uza­lishaji.

Waziri wa Kilimo, Hussein Bashe alisema uwekezaji uliofanyika katika kiwanda hicho wenye thamani ya Dola milioni 300 unakwenda kuongeza ajira zinazozalish­wa katika sekta ya tumbaku katika Mkoa wa Morogoro kutoka ajira 7,000 mpaka 12,000, uzalishaji wa tumba­ku utaongezeka kufikia tani laki tatu kwa mwaka na tha­mani ya kusafirisha tumbaku kwenda nje ya nchi itafikia Dola 700 milioni.

“Kupitia kiwanda cha sigara cha Serengeti tume­kubaliana na kampuni kubwa nne duniani kuja kufanya “blending” (uchanganyaji wa malighafi ya sigara) kwa ajili ya kuziisafirisha kwen­da katika nchi zao, hivyo tunakushukuru kwa maele­kezo yako na juhudi zako za kuboresha sekta ya tumbaku nchini,” amesema Bashe.

Kwa upande wake mmi­liki na Mkurugenzi Mkuu wa MTPL na SCC, Ahmed Huwel alisema uwekezaji unao­fanyika katika viwanda hivyo ni mkubwa. Aidha aliishuku­ru Serikali ya awamu ya sita kwa kuweka mazingira bora ya uwekezaji nchini.

“Uwekezaji huu mkubwa tunaofanya wa upanuzi wa MTPL na ujenzi wa SCC ni matunda ya mazingira bora ya uwekezaji yaliyowekwa na Serikali hivyo tunakushuru na pia tuna imani kubwa na uongozi wako wewe binafsi pamoja na mawaziri wote,” alisema Huwel.

Huwel amesema kiwanda hicho ni cha mtanzania amba­po tumbaku inayochakatwa inalimwa na Watanzania jambo linalochangia katika kuongeza thamani ya zao hilo pamoja na kuboresha maisha ya wakulima wa tum­baku nchini.

Ujenzi wa Kiwanda cha Sigara cha Serengeti unai­fanya Tanzania kuwa nchi ya pili barani Afrika kuwa na kiwanda cha aina hiyo amba­cho kinamilikiwa na wazawa na kutumia malighafi zinazo­zalishwa nchini.