Picha tano za Rais Samia Hanang

Rais Samia Suluhu Hassan akimsikiliza Mkuu wa Mkoa wa Manyara, Queen Sendiga akielezea kuhusiana na athari za mafuriko yaliyotokea katika eneo la Jorodom Katesh Wilayani Hanang.

Rais Samia alitembelea eneo hilo Mkoani Manyara jana Desemba 7, 2023.

Rais Samia Suluhu Hassan akimfariji muathirika wa mafuriko yaliyotokea Katesh, Salome Elifuraha ambaye amelazwa katika Hospitali ya Wilaya ya Tumaini iliyopo Katesh, Hanang.

Mama huyo amepoteza watoto wake wawili kwenye maporomoko ya tope yaliyotokea Mlima Hanang Jumapili Desemba 3, 2023.

Rais Samia Suluhu Hassan akizungumza na waathirika wa mafuriko waliopo kwenye kambi zao Katesh, Wilaya ya Hanang mkoani Manyara.

Rais Samia Suluhu Hassan akiwa ndani ya Helikopta wakati akiangalia athari za mafuriko yaliyotokea katika mji mdogo wa Katesh pamoja na vijiji jirani, Hanang mkoani Manyara Desemba 7, 2023.