VIDEO: Mvutano waibuka mazishi ya Mugabe, familia yaja juu
Muktasari:
Wakati Serikali ikitangaza kumzika kitaifa, familia yadai atazikwa kijijini kwake kama alivyoagiza mwenyewe na kutaka mke wake asiruhusu jeneza lake kuwa mbali naye.
Harare, Zimbabwe. Familia ya Rais wa zamani wa Zimbabwe, Robert Mugabe imesema imeshangazwa na hatua ya Serikali kutowashirikisha katika mipango ya mazishi ya baba yao.
Mugabe, aliyekuwa na umri wa miaka 95 alifariki dunia wiki iliyopita nchini Singapore alipokuwa akipatiwa matibabu.
Jumatatu iliyopita Serikali nchini humo ilitangaza kutuma ujumbe ulioongozana na wanafamilia kufuata mwili wa Rais huyo wa zamani ambako ulirejeshwa nchini humo jana na kutua katika Wwanja wa mpira katika mji mkuu wa Zimbabwe, Harare.
Hata hivyo, familia hiyo ilisema mwili wa Mugabe utaonyeshwa katika Kijiji chake cha Kutama Jumapili usiku na kuzikwa katika sherehe ya kibinafsi na kama ilivyopanga Serikali.
Mapema jana asubuhi Serikali ilitangaza mazishi ta kiongozi huyo kufanyika siku ya Jumapili na kwamba utalala katika maeneo matatu tofauti ikiwamo Ikulu ya Zimbabwe kabla ya
"Mwili wake utakaa katika mji wa Kutama Jumapili usiku, ukifuatiwa na mazishi ya kibinafsi ama Jumatatu au Jumanne hakuna Mashujaa wa Kitaifa. Huo ndio uamuzi wa familia nzima,” alisisitiza mjukuu wa Rais huyo, Leo Mugabe alipokuwa anazungumza na Shirika la habari la AFP.
Familia hiyo ilisema ina wasiwasi sana juu ya jinsi viongozi walivyopanga mipango ya mazishi bila kushauriana na familia yake ya karibu ambao walipewa jukumu la kuwasilisha matakwa yake ya mwisho kuhusu mazishi na mazishi yake.
“Hatua ya Serikali imetupa mshtuko kwamba Zimbabwe inajaribu kutulazimisha tukubali mpango wa mazishi ya marehemu Robert Gabriel Mugabe ambayo ni kinyume na matakwa yake juu ya jinsi alivyotaka azikwe.”
Taarifa hiyo inaongeza kuwa moja ya matakwa ya kiongozi huyo ilikuwa ni kwa mkewe, Grace Mugabe kutoacha jeneza lake wakati wa mazishi hadi wakati atazikwa.
Kwa mujibu wa familia hiyo, Mugabe amekufa na kinyongo uchungu dhidi ya Taifa hilo kutokana na kitendo cha utawala wake kung’olewa.
Kauli ya mjukuu huyo inapingana na iliyotolewa hivi karibuni na Rais wa sasa wa Zimbambwe, Emmerson Mnangagwa aliyetangaza kuwa Mugabe ni shujaa na kusisitiza anapaswa kuzikwa kwenye jiwe la kabila la kitaifa.
Wakati familia hiyo ikisema hivyo, Waziri wa Elimu, Paul Mavhima alinukuliwa akisema kwamba hakuna shaka Mugabe anapaswa kuzikwa kama shujaa wa Taifa.
