Mwanzo mwisho shahidi wa nne kesi ya kina Mbowe

Monday November 01 2021
KESI 1 PIC
By James Magai
By Fortune Francis

Dar es Salaam. Jaji Joachim Tiganga anayesikiliza kesi ya ugaidi inayomkabili Mwenyekiti wa Chadema, Freeman Mbowe na wenzake watatu ameahirisha kesi hiyo mpaka kesho Jumanne Novemba 2, 2021.

Hiyo ni baada ya kusikiliza ushahidi uliotolewa na shahidi wa nne kesi hiyo inayosikilizwa katika Mahakama Kuu Divisheni ya Makosa ya Rushwa na Uhujumu Uchumi.

Ifuatayo ni sehemu ya mahojiano hayo yaliyofanyika leo Jumatatu Novemba 2, 2021.

Jaji Joachim Tiganga ameingia mahakamani na kesi inaitwa na washtakiwa wanapanda kizimbani.


Mawakili wa Serikali wanajitambulisha wakiongozwa na Wakili wa Serikalia Mwandamizi, Robert Kidando

Advertisement

Jopo la mawakili wa utetezi nalo linatambulishwa na kiongozi wa jopo, Peter Kibatala.

Jaji anawaita washtakiwa kwa namba zao katika kesi mmoja mmoja nao wanasimama kuoneaha kwamba wote wapo mahakamani.

Jaji anawaita washtakiwa namba moja namba mbili namba tatu na namba nne.

Wakili wa Serikali leo tuna shahidi mmoja na tuko tayari kuendelea.

Shahidi wa nne anaingia mahakamani na anapanda kizimbani.

Jaji anauliza atakuwa shahidi wa nne?

Upande wa mashtaka wanajibu ndio.

Anajitambulisha Anisha Valerian Mtalo (45), Mchaga, Mkristo RC na mfanyabiashara

Anaapa kiapo cha ukweli.

Anaongozwa na Wakili wa Serikali Mwandamizi, Ester Martin

Naishi Moshi Rao Madukani

Nafanyabiashara ya kuuza mbege kwa miaka minane sasa.

Eneo la biashara yangu mbele Kuna fremu za maduka, grocery, steshenari na sehemu ya kutolea movies.

Agosti 5, 2020 nilikuwa sehemu yangu ya biashara majira ya saa 7 kasoro mchana, nilifanya usafini

Kabla nilikuwa nimetokea nyumbani kwenda saluni kuosha nywele

Nilipotoka saluni niliipitia kumsalimia ndugu yangu nikakata wakaka wamekaa wanakunywa bia

Pia walikuwa wanasajili laini. Kuna kijana huwa anapita mitaani kusajili laini.

Niliendelea na usafi, kuna wakaka wawilibwalukuwa wnapitapita wakiongea na simj wanaenda wanarudi wakiongea na simu.

Ni wale waliokuwa wanakunywa pombe

Kutoka kwenye eneo la biashara yangu mpaka kwenye grocery ni kama hatua 10 na hapo katikati pana uwazi.

Baada ya muda hao wakaka waliokuwa wanaongea na simu, wakstokea watu wawili wakasema jwa sautii kubwa mko chini ya ulinzi mnahusika na mambo ya ugaidi, chuchumaa chini, wakachuchumaa. Hao walikuwa Ni maaskari.

Wakati huo nilikuwa barazani, kutoka hapo mpaka hapo kwa hao askari kuna kama hatua tano.

Walitii sheri wakakaa chini wakanyoosha mikono juu

Walikuwa ni askari wawili

Baada ya hapo haoi ya pale ilikuwa ni tulivu.

Baada ya hapo walikuja maaskari wengine watatu eneo la tukio.

Baada ya kufika wakawa watano, akatoa mmoja akasema anaomba nisogee karibu anahitaji kuwafanya upekuzi. Huyo akijitambulisha kuwa anaitwa Askari Polisi Jumanne.

Nikajiridhisha kwa sababu alitoa kitambulisho akanionesha.

Baada ya hapo Askari Jumanne alijipekua kuanzia kichwani mpaka miguuni akasema mnaona sina kitu chochote. Mimi nilikuwa na dada mmoja anaitwa Sophia.

Kutoka pale walipokaa chini wale vijana na mimi niliyokuwa ilikuwa kama hatua mbili. Kuna baadhi ya watu raia walikuja baada ya kusikia ile sauti kaa chini mko chini ya ulinzi. Hali ilikuwa imetulia.

Jumanne alimsimamisha mmoja akamuulizanunaitwa nani akajibu anaitwa Adamu Hassan Kasekwa.

Akiwa amenyoosha mikono juu alimwambia geuka akageuka.

Baada ya kugeuka Askari Jumanne alianza kumpekua kuanzia kichwani, mabegani kifuani akipofika kiunoni akakuta kitu upande wa kushoto kiunoni. Nilikiona ilikuwa ni bastola.

Afande Jumanne akitwambia kuwa ni bastola na baada ya hapo alituonesha namba A5340

Alituonesha kutoka kwenye hiyo bastola.

Wakati huo Adamu alikuwa amesimama. Niliona hizo namba na risasi tatu.

Baada ya hapo akaendelea na upekuzi mfuko wa kulia alikuta vikete vidogovidogo vimefungwa akatwambia inasadikuwa ni dawa za kulevya lakini itajulikana mbele ya safari. Vilikuwa 58 vimefungwa kwenye nailoni.

Aliendelea kumpekua akakuta simu aina ya Itel akaifungua akato la laini akampa yule Askari wa pembeni.

Kisha akamwambia askari wa pembeni naomba fomu akatoa fomu mbili.

Kwenye ile fomu aliandika vitu alivyokuwa amempekua

Fomu ya kwanza alikuwa amejaza bastola. Risasi simu na laini nakumbuka kulikuwa na laini ya Voda na Airtel.

Alimpa akasoma akasaini, halafu akasaini yeye na baadaye akaomba tusome.

Yaani alimpa Adamu akasaini.

Aliletewa fomu nyingine, alijaza vile vikete vidogovidogo, 58. Alimpa Adamu akasoma akasoma akasaini, Kisha akasaini yeye Askari akatupa mimi na dada Ester tusaini

Alimwambia yule mwingine asimame na huyu wa kwanza alichuchumaa. Aliuliza jina (wa pili) aksema anaitwa Mohamed Abdillahi

Alimwambia asimame ageuke, baada ya kugeuka akaanza kumpekua.

Alianzia kichwani mabegani kifuani kiunoni. Upande wa kulia alimkuta na vikete vidogovidogo navyo vimefungwa mfuko wa nailoni, vilikuwa 25.

Alimpa Askari wa pembeni akaendelea kumpekua akamkuta na simu aina ya Tecno. Nayo akaifungua akatoa laini, akaandika namba. Nakumbuka kulikuwa kuna Halotel na Airtel. Alimpa yule Askari wa pembeni zile laini.

Akaendelea na upekuzi lakini hakukuta kitu kingine

Baada ya kumaliza alimuomba askari ampe fomu, alimpa fomu mbili. Fomu ya kwanza alijaza vile vikete vidogovidogo, vilikuwa 25. Alimpa Mohamed akasoma halafu akasaini baadaye akasaini afande Jumanne halafu akatupa Mimi na dada Ester tusaini.

Baada ya hapo Ile fomu nyingine alijaza simu na zike laini mbili za Halotel na Airtel.

Alimpa Mohamed akasoma akasaini, Afande Jumanne naye alisaini na akatuomba na sisi tusaini Mimi na dada Ester

Baada ya kumaliza upekuzi walivalishwa pingu. Afande Jumanne akasema twende nao kituoni tukatoe maelezo. Waliovakishwa pingu nia Adamu na Mohamed

Baada ya kuvalishwa pingu walielekea kwenye gari.

Eneo la tukio kulikuwa na askari watano. Kuna wawili walikuwa wamebeba bunduki. Hali ya hewa siku hiyo kulikuwa na jua na mwanga wa kutosha. Ilichukua kama dakika 45 pale eneo la tukio.

Tulienda Central Moshi. Baada ya kufika pale tulitoa maelezo, tuliandika maelezo yetu kuhusiana na tukio hilo.

Hizo fomu zilizojazwa nikiziona hapa naweza kuzitambua kutokana na vitu vilivyoandikwa na kuna jina langu. Vitu hivyo ni bastola nyeusi na namba A5340 na risasi.

Wakili anampa shahidi nyaraka anamtaka aingalie na kisha aseme ni nini.

Shahidi anasema ndio yenyewe fomu aliyosaini na ameitambua kutokana na vitu vilivyopo na jina lake Anitha Vakerian Mtalo.

Wakili Kibatala: Mheshimiwa Jaji tunaona shahidi anakwenda kwenye details za nyaraka na hivyo tunaomba jibu hilo liondolewe kwenye rekodi.

Wakili Martin: Shahidi unaomba mahakama hiyo ifanye nini kuhusu fomu hiyo,

Shahidi: Naiomba mahakama iipokee kama kielelezo cha ushahidi wangu.

Mawakili wa utetezi baada ya kuikagua fomu hiyo mmoja baada ya mwingine waksema kuwa hawana pingamizi.

Jaji Tiganga: Basi Mahakama inaipokea kwa utambuzi kama ID1

Wakili wa Serikali anaendelea kumwongoza sahidi. Shahidi anaeleza kuwa hiyo bastola anaitambua kwa rangi yake nyeusi na risasa zilikuwa ni za dhahabu.

Wakili Martin anaomba bastola hiyo ambayo ilishapokewa kama kielelezo cha ushahidi upande wa mashtaka anampa shahidi anaiangalia na anamuiliza ni nini na

Shahiidi anajibu ni bastola ambayo aliiona kutoka kwa Adamu na kwamba ameigundua ni yenyewe kwa nambazake A5340 ambazo anazionyesha.

Wakili: Hao watu Adamu Hassani Kasekwa na Mohamed, hao watu ukiwaona unaweza kuwatambua?

Shahidi: Ndio naweza kuwatambua

Wakili: Wako hapa mahakamani?

Shahidi: Ndio.

Wakili: Wako wapi?

Sahidi: Pale mbele.

Shahidi anawatambua wasahtakiwa akianisha mavazi akianza na Mohamed kuwa amevaa t-shirt ya mistari ya kijani na myeupe na Adamu amevaa shati lenye rangi nyeupenyeupe.


Wakili wa utetezi Jeremiah Mtobesya anaanza kumuuliza shahidi

Wakili Mtobesya: Naomba unionyeshe uliposaini

Unasema ulisaini nyaraka ngapi?

Shahidi: nilisaini nyaraka nne

Wakili: Mheshimiwa Jaji kulingana na sheria ya ushahidi tunaomba shahidi asaini sehemu nyingine ili tuweze kulinganisha.

Wakili Mtobesya: Mheshimiwa naomba mahakama iweze kuruhusu witness asaini saini nyingine ili mahamama iweze ku-compare signature zake maana kuna nyaraka nyingine nataka kuitumia lakini wenzetu wa upande wa mashtaka wanaweza wakasimama. Naomba chini ya kifungu cha 75 cha Sheria ya Ushahidi

Jaji: Hicho kifungu kinaielekeza mahakama kumruhusu kusaini hapa?

Wakili Mtobesya: Sababu kuna document nataka kuitumia lakini wenzetu wanaweza kusimama.

Jaji: Kwa hiyo tutakuwa tumeitengeneza hapa mahakamani. Unachotaka kufanya ni kuingilia mahakama katika kutengeneza ushahidi hapa. Kwa hiyi wewe jaribu tu kutumia hiyo document tuone kama upande wa mashtaka wanaweza kusimama.

Wakili Mtobesya: Basi sawa Mheshimiwa.

Wakili Dickson Matata anasimama na kutoa ufafanuzi kuwa chini ya kifungu cha 75(2) cha Sheria ya Ushahidi mahakama kumwelekeza shahidi kusaini nyaraka ili kujiridhisha.

Hoja ya wakili Matata inaungwa mkono na Wakili John Mallya

Wakili wa Serikali Kidando: Hayo maombi yaliyowasilishwa na Wakili Mtobesya ni mapema sana ingawa Mahakama ina mamlaka hiyo kama kungekuwa na nyaraka nyingine yenye utofauti.

Hapa hapa mahakamani hatutafuti ushahidi labda endapo kungekuwa na nyaraka nyingine ambayo inautofauti.

Jaji Tiganga: Mimi tafsiri yangu mahakama imepewa mamlaka ya kufanya ulinganisho wa maneno au namba ikimaanisha mtu ambaye mahakama inaweza kumwelekeza anayo maarifa kuliko mahakama, ni mtu mjuzi kuliko mahakama yenyewe.

Jaji Tiganga: Kwa hiyo mimi nadhani ungeitumia nyaraka hiyo ili mahakama ifanye ulinganisho huo kama upande wa mashtaka watapinga sasa ndio mahakama itashughulikiakupiga huko.

Jaji: Sawa na mimi nakubali mahakama inayo mamlaka hayo ya kufanya ulinganisho huo lakini siyo nyaraka aliyosaini mahakamani maana hatujui itakuwa ni ya namna gani.

Kwa hiyo wewe endelea kutumia hiyo uliyo nayo kama watapinga upande wa mashtaka tutashughulikia kupinga huko.

Licha ya Jaji kumruhusu wakili Mtobesya kutumia nyaraka aliyonayo anaomba nyaraka ambayo ni halisi, ambayo haijachapwa akisema kuwa kwa kuwa nyaraka hizo ziliwekwa wazi wakati wa washtakiwa kusomewa maelezo ya mashahidi, na kwamba kwa kuwa washtakiwa walipewa ili kuwawezesha kujua aina ya ushahidi unaoletwa mbele yao na wajue namna ya kujitetea hivyo na wao mawakili wana haki ya kuzitumia.

Na kwamba kwa kuwa washtakiwa walipewa ili kuwawezesha kujua aina ya ushahidi unaoletwa mbele yao na wajue namna ya kujitetea hivyo na wao mawakili wana haki ya kuzitumia.

Hata hivyo Wakili wa Serikali Kidando anapinga akisisitiza kuwa hicho ni kielelezo chao wanachokusudia na hivyo wao utetezi hawana haki ya kuzitumia kwa utaratibu ambao Mtobesya anautaka.

 Badala yake anasema atumie utaratibu wa kuwasilisha maombi maalumu chini ya kifungu cha 68 cha Sheria ya Ushahidi.

Baada ya kurejea uamuzi wa Mahakama ya Rufani kuhusiana na suala kama hilo anahitimisha kwa kuiomba mahakama iyatupilie mbali maombi hayo akininisha kuwa kama mahakama itakubali utaratibu huo basi mahakama itakuwa imeingizwa katika hatua isiyo sahihi. 

Wakili Mtobesya anasisitiza kuwa wanayo haki hiyo kwa kuwa shahidi huyo ni wao upande wa mashtaka na wao utetezi hawana muda mwingine wa kuwa naye tena huyo shahidi baada ya sasa, hoja ambayo inaungwa mkono kwa msisitizo na wakili Nashon Nkungu.

Jaji: Hoja zako (Mtobesya) unezijenga katika mazingira matatu kwanza kwamba ni haki ya mshtakiwa anapopelekwa Mahakama Kuu na nyaraka hizo huwa anapewa ili kumwezesha mshtakiwa kujitetea.

Jaji: Jambo la pili umesema kwa kuwa ni ushahidi wa upande wa mashtaka na wanakusudia kuutumia.

Jaji: Na tumesikia namna upande wa mashtaka walichojibu yapo ilikuwa off record basi sasa niwape nafasi sasa ya kukusikilizeni ili mahakama itoe uamuzi, au mnaonaje?

Mtobesya: Mheshimiwa nadhani tusiipe mahakama kazi ya kuandika nadhani tuafikiane tu.

Jaji: Upande wa mashtaka mnasemaje?

Wakili Kudando: Ni sawa Mheshimiwa Jaji.

Jaji: Basi tupate ahirisho dogo na tutarudi hapa baada ya dakika kumi. Jaji Tiganga anaahirisha kesi.

Mahakama imerejea baada ya ahirisho fupi

Wakili wa utetezi Mtobesya anaendelea kumuhoji shahid

Wakili Mtobesya: unakumbuka nani aliandika maelezo yako

Shahidi: Afande Jmanne

Wakili: Ulipoyaandika uliyasoma na kuona yako sahihi

Shahidi: Ndio

Wakili: Shahidi unajua kusoma na kuandika

Shahidi: Ndio

Wakili: Shika hizo karatasi angalia kama kuna majina yako na askari aliyeandika.

Wakili: Hebu isome kuanzia hapo juu kwa sauti kila mtu asikie

Wakili: Soma hatu kwa hatua Mahakama inataka kujua

Baada ya shahidi kumaliza kusoma maelezo aliyoyaandika polisi.

Wakili Mtobesya: Nitakurudisha kwenye maeneo baadhi uliyosoma

Itakuwa sahihi uliiambai Mahakama wale askari walipofika aliwatajia majina

Shahidi: Ndio

Wakili: Kwenye hayo maelezo kuna sehemu pameandikwa chini ya ulinzi

Shahidi: Hayapo

Wakili: Ni sahihi wakati unashuhudia wakikamatwa ulikuwa unafanya usafi

Shahidi: Ndio

Wakili: Kwenye hayo maelezo kuna sehemu yameandikwa

Shahidi. Hapana

Wakili: Kwenye hayo maelezo kuna sehemu imeeleza hao askari walitoa kitambulisho kabla ya upekuzi.

Shahidi: Hapana

Wakili: Washtakiwa kabla ya kufanyiwa upekuzi kuna sehemu inasema walijitambulisha kwenye hayo maelezo kuna sehemu imeandikwa

Shahidi: Hapana

Wakili Mtobesya: Iambie Mahakama jina la Adamu ulilifahamu kabla ya upekuzi au baada

Shahidi: Baada ya kupekuliwa

Wakili: Itakuwa sahihi uliieleza Mahakama ulisaini nyaraka nne

Shahidi: Ndio

Wakili: Ntakuwa sahihi nikisema ilisainiwa nyaraka moja na sio nne kama ulivyosema

Shahidi: Kwa mujibu wa mustari huu ni kweli

Wakili: Nisomee hapo kwenye hiyo nyaraka

Wakili: Nitakuwa ni sahihi uliieleza Mahakama aliyesaini ni Jumanne

Shahidi: Sikusema alikuwa ni afande ambaye sikumfahamu

Wakili: Ungependa maelezo yawe sehemu ya ushahidi siku ya leo

Shahidi: Ndio ningependa

Wakili Mtobesya: Ndio hayo tu Mheshimiwa

Jaji: Mahakama inayapokea maelezo hayo kama sehemu ya ushahidi.

Wakili Mtobesya: Naomba kuendelea.

Kwenye maelezo yako umesema ulisaini hati zaidi nne.

Shahidi:Ndio

Wakili: Mueleze Mheshimiwa zilijazwa na nani

Shahidi: Afande Jumanne

Wakili: Na wewe ulisaini nyaraka zote

Shahidi: Ndio

Waki: Ulisaini upande gani

Shahidi: Pembeni

Wakili: Ieleze Mahakama zilikuwa zinamuhusu mtuhumiwa gani

Shahidi: Nilizosaini upande wa kulia zilikuwa zinamuhusu Adamu

Wakili: Na zilizokuwa zinamuhusu Mohamed

Shahidi: Nilisaini kushoto

Wakili: Zote ulisaini mwenyewe na kwa mkono wako

Shahidi: Ndio

Wakili: Na sahihi zote zinafanana ukiwa chini ya kiapo

Shahidi: Sio zote kutokana na hali

Wakili: Mweleze Jaji ulikuwa kwenye hali gani

Shahidi: Nyingine nilisaini nikiwa nimesimama na nyingine kituoni nikiwa nimekaa

Wakili Mtobesya: Hiyo ndio hali inayosababisha sahihi zisifanane

Shahidi: Ndio

Wakili: Ulisesma hati ulisaini sehemu ya tukio

Shahidi: Kuna nilizosaini wakati nimekaa na nyingine wakati nimesimama

Wakili: Zipi amabazo zinatofautiana

Shahidi: Niliyokuwa nimekaa

Wakili:  Zote ulizosaini ukiwa umesimama zinafanana

Shahidi: Zinafanana

Wakili: Mheshimiwa Jaji naomba kuishia hapo


Wakili wa utetezi Mallya anaanza kumuuliza maswali shahidi

Wakili Mallya: Bado unafanya biasshara ya mbege

Shahidi: Ndio

Wakili Mallya: Inalewesha au hailewesjhi

Shahidi: Ipo inalewesha na nyingine haileweshi

Wakili: Una ndugu ambaye ni polisi

Shahidi: Hapana

Wakili: Ulijuaje kitambulisho ni cha polisi

Shahidi: NIlion chapa ya Taifa

Wakili: Na kingine

Shahidi: Jina

Wakili: Lilikuwa limeandikwaje

Shahidi: Sikumbuki

Wakili: Unasema umbali ulipokuwa na Watuhumiwa ni umbali gani

Shahidi: Hataua kumi

Wakili: Umbali wa hatua kumi unaona vizuri

Shahidi: Ndio naona vizuri

Wakili: Kuna mtuhumiwa umesema amevaa tisheti ya mistari Myeusi, unataka Mahakama ikuamini unaona vizuri.

Shahidi: Kimya

Jaji: Tupe jibu basi

Shahidi: Macho yangu yana shida sema leo nimesahau kuvaa miwani

Wakili: Umeieleza Mahakama kama siku hiyo ulivaa miwani

Shahidi: Hapana

Wakili: Uliiomba mahakama upewe miwani

Shahidi: Sikuomba

Wakili: Unajua usajili unatumia vitambulisho

Shahidi: Ndio

Wakili: Na wewe uliona wakisajili

Shahidi: Ndio

Wakili: Kwenye maelezo yako kuna sehemu uliandika vitambulisho vyao

Shahidi: Hapana

Wakili: Ulisema walikuwa wana kunywa bia

Shahidi: Ndio

Wakili: Kuna sehemu uliandika fedha mlizowakuta nazo kuna sehemu zimeandikwa

Jaji: Walikuwa wameshalipa

Mahakama kicheko

Wakili Mallya: Zoezi la usafi lilichukua muda gani

Shahidi: Kama dakika kumi

Wakili: Kitendo cha polisi kuwakamata na kukuita wewe ilichukua muda gani

Shahidi: Kama dakika 3

Wakili: Zoezi la upekuzi lilichukau muda gani

Shahidi: Kama dakika 45

Wakili wa Mallya: Tuamini maneno yako au maelezo yaliyoandikwa

Shahidi: Tuchukue yote

Wakili Mallya: Umeulizwa na wakili Mtobesya aliyekuchukua maelezo kituoni ni nani

Shahidi: Sikumbuki

Waki: Alikuwa Jinsia gani

Shahidi: Wakiume

Wakili Mallya:  Sahihi hii na hii zinafanana

Shahidi:  Hazifanan lakini ni zangu

Wakili Mallya: Kiongozi wa hao askari alikuwa anaitwa nani

ShahidI: Jumanne

Wakili: Unamfahamu Kingai

Shahidi: Hapana

Wakili: Unasema walikuwa askari kujitambulisha

Shahidi: Alikuja mmoja

Wakili: Watuhumiwa walikuwa wangapi

Shahidi: Wawili

Wakili Mallya: Ndio hayo tu Mheshimiwa

Mahakama imerejea baada ya mapumziko ya muda mfupi


Wakili wa utetezi Dickson Matata anaanza kumuuliza shahidi maswali

Wakili:  Ulisema unaishi hapo hapo Rau madukani

Shahidi: Ndio

Wakili: Ni kata au

Shahidi: Ndio

Wakili: Wakati unahojiwa ulisema ni kata

Shahidi: Hapana

Wakili: Ni kweli hujatutajia mtaa unatoka

Shahidi: Sijaulizwa

Wakili: Hujasema kama unaishi kwenye nyumba ya kupanga au kwako

Shahidi: Nimepangisha

Wakili: Ni sahihi hujatuletea mkateaba wa nyumba

Shahidi: Sijaulizwa

Wakili: Hujatutajia hata mwenye nyumba

Shahidi: Sijaulizwa

Wakili: Umetuambi unafanya biashara ya mbege

Shahidi: Ndio

Wakili: Hujatuambia kama hiyo mbege unatengeneza au una nunua

Shahidi: Sijaulizwa

Wakili: Hapo unapofanya biashara uhujaseamakama ni kwako au umepangisha

Shahidi: Nimepngisha

Wakili: Miaka nane unafanya kazi hapo hujatutajia hata jina la saaluni

Sahidi: Sijaulizwa

Wakili: Hujatuletea mkataba

Shahidi: Sikuwambiwa nije nao

Wakili: Ulisema uliona vijana wawili wanaokunywa bia

Shahidi: Niliona watatu

Wakili: Ni sahihi ulisema walikuwa wanasajili laini

Shahidi: Walikuwa wanasajili laini

Shahidi: Walikuwa wamekaa na kijana anayesajili

Wakili: Mahakama ichukue lipi

Shahidi: Yote

Wakili: Mtu anaweza kuwa anafanya yote kwa wakati mmoja

Sahid: Ndio

Wakili: Ulisema mlienda central polisi

Shahid: Ndio

Wakili: Ulisema ni muda gani mlitoaka pale

Shahidi: Sijaulizwa.



Wakili: Kwenye maelezo yako wapi Ester ametajwa

Shahidi: Hajaandikwa

Wakili: Ni hayo Mheshimiwa


Wakili wa utetezi Peter Kibatala anaanza kumhoji shahidi  

Wakili: Sasa hivi ni sangapi?

Shahidi: Saa tisa kasoro

Wakili: Umeona wapi

Shahidi: Kwenye saa

Wakili: Unaoana pale nje

Shahidi: Ndio

Wakili: Yale magari yana rangi gani

Shahidi: buluu na nyeusi

Wakili: Wakati unakuja hapa umetoka wapi

Shahidi: Gesti

Wakili: Mara ya mwisho kuwa Rau ni lini

Shahidi: Ijumaa

Wakili: Aliyekuuzia mbege mwezi wa tano mwaka huu ni nani

Shahidi: Mama Kazi Moto, Paulo

Wakili: Majina yako mengine ni mama Pendo

Shahidi: Mama Pendo na mama Peter

Wakili: Ni kweli huwa husimama mwenyewe

Shahidi: Nasimama mwenyewe

Wakili. Ni muda gani binti yako huwa anakuwa pale

Shahidi. Alianza Jumamosi

Shahidi. Huwa anisaidie tu usafi

Wakili: Mwambie Jaji katika ushahidi wako ulimtaja Pendo

Shahidi: Sikuzungumza

Wakili Kibata: Pale Rau kuna mtu ana duka jumla na vipodozi na fremu nne

Shahidi: Ndio

Wakili: Na upande mwingine wanaunza vinywaji

Shahidi: Ndio

Wakili: Anaeuza hapo huwa anakaa mbele ya duka lake

Shahidi: Ndio

Wakili. Hii picha unayoionyesha hapa ndio ulimweleza Jaji

Shahidi: Hapana

Wakili: Wakati bastola inatolewa uliona

Shahidi: Ndio

Wakili: Ulimsachi wewe

Shahidi: Hapana

Wakli: Ulijuaje ni kitu kigumu

Shahidi: Baada ya kutolewa

Wakili: Ulisema zilipatikana Risasi tatu kwenye magazine

Shahidi: Ndio

Wakili: Meonyeshwa hapa mahakamani

Shahidi: Hapana

Wakili: Risasi tatu zilikuwa kwenye magazine unafahamu magazine inapokaa

Shahidi: Iko kwa chini

Wakili: Ulifanya zoezi la kumuonyesha Jaji

Shahidi: Sikumuonyesha

Wakili: Katika maelezo yako hakuna mahali uliposema kuna polisi alichomoa Magazine ili muone mahali risasi zilipo

Shahid: Nimesema

Wakili: Kuna sehemu yoyote uliemwambia Jaji huyu mwandishi kuna kitu amekiacha

Shahidi: Hapana

Wakili: Hakuna mahali popote kuna askari ametajwa zaidi ya Jumanne

Shahidi: Sikumtaja

Wakili: Ni kwakuwa hawakujitambulisha au umesahau

Shahidi: Ni muda mrefu

Wakili Kibata: Umefafanua wale watu wengine wawili ni kina nani

Shahid: Hapana

Wakili: Uliambiwa hayo maezo ni ya kisheria au mapambo

Shahidi: Niliambiwa ni ya onyo

Wakili: Hakuna mahali umetaja jina Adamoo

Shahid: Hakuna

Wakili: Mjini katika hati ya utambuzi kuna mahali pameandikwa Adamoo

Shahidi: Hakuna

Wakili: Unajua majibu ya ushadi wako yakitofautiana yananathiri mwenendo wa kesi

Shahidi: Ndio

Wakili: Jina Adamoo lipo au halipo

Shahidi: Lipo

Wakili: Wewe ni muongo sio muongo

Wakili wa Serikali Kidando anasimama Mheshimiwa Jaji suala la yeye ni mkweli au sio mkweli aiachie Mahakama

Wakili: Fomu uliisoma kabla ya kusaini

Shahidi: Ndio

Wakili: Unakumbuka nani aliyeona na kusoma namba za bastola

Shahidi: Afande Jumanne

Wakili: Katika maelezo yako hakuna mahali popote umesema uliposoma namba za bastola na kujiridhisha

Shahidi: Kwenye kuandika haijaandikwa lakini nimesema

Wakili Kibatala: Kwenye maelezo yako kuna sehemu umetaja jina la bastola

Shahidi: Kwenye maelezo hayapo

Wakili: Hii fomu aliijaza nani

Shahidi: Afande Jumanne

Wakili: Unajua bastola inatambulishwa kwa jina ndio uende kwenye namba

Shahaidi: Sifahamu

Wakili: Katika kielelezo cha bastola kuna mahali pana ufafanuzi wa namba CZ100

Shahidi: Hakuna

Wakili: Uliongozwa kufafanua chochote kuhusu hayo namba

Wakil: Kwenye laini ya Voda hukutolea ufafanuzi wowote kuhusu ICD namba.

Shahidi: Hapana

Wakili: Kuna mahali popote umemzungumzia Ramadhani Kingai

Shahidi: Hapana

Wakili: Kuna mahali umemzungumzia ulimsikia Ramadhani Kingai akijitambulisha kwa washtakiwa

Shahidi: Sijasema

Wakili: Afande Jumanne yeye wakati anajaza alikuwa amesima

Shahidi: Ndio

Wakili: Na huu mwandiko nadhifu uliandikwa akiwa amesimama

Shahidi: Ndio

Wakili: Kuna sehemu umemzungumzia grosari kati maelezo yako

Shahidi: Hakuna ni baa

Wakili: Kuna mahali popote umefafanua

Shahidi: Sijafafanua

Wakili: Duka lako la mbege liko mbali fremu ndio ziko karibu

Shahidi: Ndio

Wakili: Kutoka kwenye duka na fremu nyingine na mahali watuhumiwa waliokamatwa pana umbali gani.

Shahidi: Kama hatua tatu

Wakili: Wakati wanakamatwa je fremu zote zilikuwa wazi

Shahidi: Zilikuwa wazi

Wakili: Wakiacha watu kwenye hizo fremu wakakufuata

Shahidi: Ndio

Wakili: Unasema umeishi huko kwa miaka nane

Shahidi: Hilo eneo ni la Kiongozi wa Serikali ya mtaa

Wakili: Mwambie Jaji anaitwa nani

Shahidi: Maeleo

Wakili: Ukiacha huyo Kiongozi mwambie Mheshimiwa Jaji kama kuna kiongozi mwingine

Shahidi: Yupo

Wakili: Ulitoa ufafanuzi kuhusiana na muda uliokuwa unaenda saluni kuosha nywele ulikaa muda gani

Shahidi: Robo saa

Wakili: Ukarudi kufanya usafi ulitumiwa muda gani

Sahahid: Robo saa

Wakili: Kisha ukaka njee ya fremu yako

Wakili: Si unaona kuna tatizo la muda

Shahidi: Ndio

Wakili: Na hujalitolea ufafanuzi

Shahidi: Ndio

Wakili: Unataka nani alitatue

Shahidi: Mimi mwenyewe

Wakili: Hawa washtakiwa wawili walipigwa pingu uliemwambia nini kilitokea

Shahidi: Hapana

Wakili: Ulimwambia Jaji mlienda central

Shahidi: Ndio

Wakili: Ulimwambia kwenye gari kuna maafisa wa polisi mlipanda nao

Shahidi: Ndio

Wakili: Waliwahi kuwaambia hii kesi imefunguliwa Dar es Salaam

Shahidi: Hapana

Wakili: Uliwahi kusikia ofisa yoyote wakimuhoji Moses Linenje

Shahidi: Nilisikia wakimuhoji mwenzenu

Wakili: Katika maelezo yako ulimzungumzia

Shahidi: Nilimzungumzia huko mwanzo

Wakili: Kuna mahali ulimzungumzia watatu

Shahidi: Hapana wawili

Wakili: Huyu wa tatu umemzungumzia leo

Shahidi: Ndio

Wakili: Hakuna mahali popote umemzungumzia katika maelezo yako kijana aliyekuwa anasajili smu.

Wakili: Uliona wakiwa wanasajili

Shahadi: Ndio

Shahadi: Mweleze Jaji walikuwa wanasajili laini gani

Shahadi: Sijui

Wakili: Mlivyofika central polisi mwambie Jaji kama ulishuhudi vile vifaa vikiingizwa kwenye daftari la polisi

Shahidi: Hapana

Wakili: Ulimwambia Jaji iwapo umezungumzia vitu vingine walivyopatikana navyo ikiwemo waleti

Shahidi: Sijazungumzia

Wakili: Kama ulishudia mali za washtakiwa zikiingizwa kwenye kitabu

Shahidi: Sijasema

Wakili: Sema dada Ester ulimzungumzia umefafanua

Shahidi: Hapana

Wakili: Unafahamu vitambulisho vya wamachinga

Shahidi: Ndio

Wakili: Ili tuamini unaishi eneo umemzungumzia kama hicho unacho

Shahidi: Hapana

Wakili: Hata kumwambia kibanda hakina jina

Shahidi: Hapana

Wakili: Ulimwambia Jaji mshtakiwa Mohamed alikuwa amevaa nguo za namna gani

Shahidi: Sikusema

Wakili: Umesema kielelezo ID kilijazwa eneo la tukio

Shahidi: Hapana

Shahidi: Ulisema kama zile nakala zilijzwa tatu na moja akapewa mshtakiwa.

Shahidi: Hapana

Wakili: Ulimweleza Jaji kuwa maelezo yako yaliandikwa na wakili anayeitwa Francis,

Shahidi: Hapana

Wakili: Umesema bastola ina rangi nyeusi kataika maelezo yako kuna mahali ulipotaja

Shahidi: Hapana

Wakili: Ulitoa ufafanuzi wa muda mliotumia njiani kutoka Rau hadi Moshi central

Shahidi: Hapana

Wakili: Ulifafanua muda mliotumia kituo cha polisi central

Shahidi: Hapana

Wakili: Uliwahi kusema kama central ulikuwa unapafahamu kabla ya hiyo siku

Shahidi: Hapana

Wakili: Baada ya kupatikana kwa dawa za kule ya mweleze Jaji ni nini kilifanyika

Shahidi: Hapana

Wakili: Mweleze Jaji kama kuna sehemu ulimzungumzia hatma ya haya madawa ya kulevya

Shahidi: Sijazungumza

Wakili: Mheshimiwa Jaji kwa shahidi huyu naomba kuishia hapa.

Wakili: Mweleze Jaji kama kuna sehemu ulimzungumzia hatma ya haya madawa ya kulevya

Shahidi: Sijazungumza


Wakili: Mheshimiwa Jaji kwa shahidi huyo naomba kuishia hapa



Upande wa utetezi umemaliza kumuhoji shahidi

Wakili wa Serikali, Ester Martin anasimamia na kumuhoji shahidi

Wakili Easter: Uliulizwa na wakili Mallya ni rangi gani uliona katika nguo aliyovaa mshtakiwa.

Shahidi: Niliona rangi nyeupe kijani na nyeusi

Wakili: Uliulizwa maelezo uliyotoa polisi na uliyotoa mahakamani kuna baadhi hayapo ikiwemo muda wa kufanya usafi na wakati watuhumiwa wanakamatwa je unaweza kuifafanulia mahakama ni kwanini hayo yametokea

Shahidi: Hayo yamejitokeza kwa kuwa ni maandishi tu yale niliyoandika na kutoa hapa mahakani

Wakili Kidando: Hebu tufafanulie ulichokiona kuhusiana na kusajili laini

Sahahid: Niliona wakiwa na kijana anaessajili laini

Wakili Kidando: Katika maelezo yako ulisema uliona vijana wawili na hapa mahakamani ukasema ni watatu hebu fafanua ni wapi ulipoona wawili

Shahidi: Wakati wa ukamataji

Wakili: Hebu tueleze ni lini umelifahamu jina la Adamoo

Shahidi: Nimeelifahamau leo

Wakili Kidando: Uliulizwa swali kuhusiana na hati ya utambuzi kuhusiana na CZ100 hebu tueleze unamfahamu nini kuhusiana na kilichaoandikwa

Sahahidi: Nafahamu namba A5340

Wakili: Umeulizwa swali kuhusiana na maelezo yako kuhusu baa na grosari washtakiwa walikuwa wapi

Shahidi: Walikuwa kwenye Grosari ya dada Ester

Wakili: Uliulizwa swali la wewe muda ulifika eneo lako la biashara kuhusu kufika eneo lako la kufanya usafi kwenda saluni hebu ifafanulie Mahakama ilikuwa muda gani

Sahahid: Saa saba mchana

Wakili: Uliulizwa baada ya washtakiwa kufikishwa polisi kama malai zao ziliandikwa hebu iambie Mahakama.

Shahidi: Sikusema kwa kuwa sijaulizwa

Wakili: Uliulizwa kuhusu kuwepo kwa jina la mtu anaitwa Kingai wakati wa ukamataji ni nani alikuwepo siku ya ukamataji

Shahidi: Sikuzungumza kwa sababu sikujua ni askari gani aliyekamata

Wakili: Mheshimiwa kwa leo tunakomea hapo

Jaji: Shahidi tunakushukuru unaweza kwenda

Wakili: Kidando Mheshimiwa Jaji tunaomba ahirisho hadi kesho saa 3:30 tutakapoendelea na shahidi mwingine.

Kibatala: Hatuna pingamizi Mheshimiwa Jaji

Jaji: Maombi ya kuahirishwa yanakubaliwa upande wa mashitaka mlete shahidi na washtakiwa wataendelea kuwa chini ya Magereza.

Advertisement