Mvua zinavyopeleka maumivu kwa wananchi, waomba msaada serikalini

Mkazi wa Kinondoni akipita katika Mtaa wa Kinazo wilayani humo uliokuwa umefurika maji leo Januari 11, 2024, kutokana na mvua zinazoendelea kunyesha jijini Dar es Salaam. Mtaa huo umekuwa ukijaa maji mpaka yanaingia ndani ya nyumba za wakazi wa eneo hilo. Picha na Sunday George

Wanafunzi wa Shule ya Sekondari Mariwanda iliyopo wilayani Bunda wakipita kwenye barabara iliyojaa tope wakielekea shuleni. Wanafunzi wa shule hiyo pamoja na wakazi wa Kijiji cha Mariwanda wilayani humo mkoani Mara wameiomba serikali kuboresha barabara hiyo ili iweze kupitika muda wote. Picha na Beldina Nyakeke

Mwonekano wa barabara ya Mtaa wa Kitangili uliopo Manispaa ya Shinyanga ambayo imeharibika kutokana na mvua zinazoendelea kunyesha. Mvua zinazoendelea kunyesha katika Manispaa ya Shinyanga zimeharibu baadhi ya miundombinu ya barabara na kusababisha kero kwa wakazi na watumiaji wa vyombo vya moto kushindwa kupita kwenye baadhi ya mitaa. Picha na Stella Ibengwe

Korongo linalounganisha mitaa miwili ya Ihumwa Madukani na Chilwana iliyopo Kata ya Ihumwa Jijini Dodoma. Wananchi wa mitaa hiyo wameiomba Serikali kuwawekea kivuko cha watembea kwa miguu pamoja na vyombo vya moto kwenye korongo hilo linaloendelea kupanuka kutokana na mvua kubwa zinaponyesha. Picha na Hamis Mniha