Ndalichako kugawa tuzo shule zilizoongeza ufaulu

Wednesday June 12 2019

Waziri wa Elimu, Sayansi na Teknolojia, Profesa Joyce Ndalichako,  Lugha Kiingereza, lugha Kiswahili, mwananchi habari, Bunge  Bajeti,, serikali Tanzania, Upinzani Tanzania,

Waziri wa Elimu, Sayansi na Teknolojia, Profesa Joyce Ndalichako akijibu maswali bungeni katika kikao cha 44 cha mkutano wa Bunge la Bajeti, jijini Dodoma leo. Picha na Edwin Mjwahuzi 

By Sharon Sauwa, Mwananchi [email protected] co.tz

Dodoma. Waziri wa Elimu, Sayansi na Teknolojia Profesa Joyce Ndalichako atatoa tuzo kwa shule na wanafunzi waliofanya vizuri katika mitihani ya kuhitimu shule za msingi na sekondari mwaka 2018.

Kauli hiyo imetolewa na Mkuu wa Kitengo cha Mawasiliano Serikalini wa Wizara hiyo Sylvia Lupembe leo Jumatano Juni 12 2019, wakati akielezea kuhusu maadhimisho ya siku ya Elimu kitaifa yatakayofanyika Ijumaa Juni 14 katika Shule ya Wasichana ya Msalato jijini Dodoma.

“Lengo ni kuendelea kuthamini na kutambua juhudi za wanafunzi katika masomo yao. Lakini vilevile kutambua juhudi za shule kwa maana ya jumuiya mbalimbali zilizofanya vizuri,” amesema.

Amesema wanafunzi 29 bora kwa shule za msingi, Sekondari kidato cha nne na sita watapokea tuzo na kwamba shule 40 zitapatiwa tuzo.

Amefafanua kuwa shule 20 zitakuwa zilizofanya vizuri katika mitihani ya kitaifa na zinazosalia zitapewa tuzo kwa kuongeza ufaulu.

Advertisement