Mashirika yataka wenye ulemavu washirikishwe ulinzi wa mazingira

Dodoma. Wakati Tanzania ikielekea katika kilele cha Maadhimisho ya Siku ya Mazingira Duniani (WED) Juni 5, 2024, watu wenye ulemavu wametajwa kuwa sehemu ya ulinzi wa mazingira na kupambana na mabadiliko ya tabia nchi.

Kaulimbiu ya siku ya mazingira duniani kwa mwaka huu ni: Urejeshwaji wa ardhi, Ustahimilivu wa hali ya jangwa na ukame.

Ushirikishwaji wa watu wenye ulemavu umesisitizwa na mashirika ya Inades-Formation Tanzania (IFTz), Bread for the World (BftW), pamoja na Vi-Agroforestry yaliyoandaa kampeni ya utunzaji wa mazingira itakayowahusisha watu wenye ulemavu wa aina zote katika upandaji miti katika wilaya za Kondoa na Chemba.

Akiizungumzia kampeni hiyo, Mkurugenzi Mtendaji wa IFTz, Mbarwa Kivuyo amesema lengo lake ni kujenga uelewa kwa wananchi juu ya haja ya kuhusisha watu katika uhifadhi wa mifumo ya ekolojia.

“Ushiriki wa watu wenye ulemavu wa muda mrefu wa kimwili, kiakili, kiakili au hisia-katika upandaji miti ni ishara ya makusudi kwamba uboreshaji wa ardhi na mazingira ni wajibu wa kila mtu mradi tu wanavuta oksijeni,” amesema.

Ataja takwimu za Shirika la Afya Duniani (WHO) zinazoonyesha kuwa takriban watu bilioni 1.3 karibu asilimia 16 ya watu duniani wana ulemavu, akisema idadi hiyo inaongezeka kutokana na uzee na ongezeko la magonjwa yasiyoambukiza.

"Tutahusisha jamii za Kondoa na Chemba pamoja na mamlaka zao za serikali za mitaa katika kampeni ya upandaji miti kwa wingi," amesema

BftW inachangia fedha za kutekeleza mradi wa miaka mitatu unaokabiliana na mabadiliko ya tabia nchi kwa ajili ya kuboresha maisha katika maeneo ya ukame, huku ViA ikielekeza ufadhili wake wa miaka mitatu kuhamasisha kilimo mseto na kujengea uwezo mashirika yasiyo ya kiserikali na vikundi vya wakulima kuwa na maisha endelevu na bayoanuwai.

Amesema Inades-Formation Tanzania imenunua miche 1,500 ya miti ya aina mbalimbali ambayo itapandwa karibu na nyumba, taasisi za umma - shule 10, vituo vya afya vitano, makanisa matano, misikiti 10 na karibu na vyanzo vya asilivya maji katika wilaya hizo mbili.

“Nia yetu ni kutumia kilele cha maadhimisho ya siku ya mazingira duniani kuonyesha dhamira yetu ya kurejesha afya ya ardhi, kukomesha kusambaa kwa jangwa na kujenga mifumo ya ustahimilivu wa ukame katika ngazi ya kaya,” amesema.