Rugemalira afutiwa mashtaka, aachiwa huru

Dar es Salaam.  Mahakama ya Hakimu Mkazi Kisutu imemfutia mashtaka na kumwachia huru mfanyabiashara maarufu Tanzania, James Rugemalira.

Hatua hiyo inatokana na Mkurugenzi wa Mashataka nchini (DPP) kueleza kuwa hana nia ya kuendelea na shauri hilo dhidi ya mshtakiwa huyo.

Soma zaidi:Mahakama yatoa siku 30 Seth na mwenzake kujadiliana na DPP

Akizungumza muda mfupi baada ya kuachiwa leo Alhamisi Septemba 16, 2021, Mike Ngalo ambae ni wanasheria wa Rugemalira amesema mteja wake  amefutiwa mashtaka yote baada ya DPP kusema kuwa hana nia ya kuendelea na shauri hilo.

Rugemalira alikuwa anakabiliwa na kesi ya uhujumu uchumi akituhumiwa kujipatia fedha katika akaunti ya Tegeta Escrow.

Soma zaidi:Seth, Rugemalira na siku 1349 mahabusu