Sabaya mgonjwa, kesi yaahirishwa

Wednesday August 04 2021
sabayapicc

Aliyekuwa mkuu wa Wilaya ya Hai mkoani Kilimanjaro, Lengai Ole Sabaya

By Janeth Mushi

Arusha. Kesi inayomkabili  aliyekuwa mkuu wa Wilaya ya Hai mkoani Kilimanjaro,  Lengai Ole Sabaya na wenzake wawili leo Jumatano Agosti 4, 2021 imeahirishwa hadi kesho kwa kuwa Sabaya ni mgonjwa.

Katika Mahakama ya Hakimu Mkazi Arusha jana Jumanne  shauri la  Sabaya lilipangwa kuendelea kusikilizwa leo  ambapo shahidi wa saba wa jamhuri ambaye ni mkuu wa upelelezi wa makosa ya jinai Wilaya ya Arusha, ASP Gwakisa Minga alikuwa aendelee na ushahidi wake.

Soma zaidi:Hakimu atupa tena hoja za utetezi kesi ya Sabaya

Mbele ya Hakimu Mkazi Mwandamizi,   Odira Amworo,  mkaguzi msaidizi wa Magereza, Ramadhani Misanga ameieleza mahakama kuwa alipata taarifa kutoka kwa Mkuu wa gereza kuu ya Arusha kuwa mshtakiwa wa kwanza (Sabaya) anaumwa hivyo hatoweza kufika mahakamani.

Soma zaidi:  Shahidi kesi ya Sabaya awatambua watuhumiwa asema mmoja hayupo mahakamani

Hakimu Amworo amekubaliana na maombi hayo na kuahirisha kesi hadi kesho.

Advertisement


Advertisement