Taarifa ya ubalozi kwa Watanzania waishio Ukraine

Dar es Salaam. Mashambulizi ya makombora ya Russia nchini Ukraine yameibua hofu raia wakiwemo Watanzania waishio nchini humo huku athari zaidi zikitarajiwa katika uchumi hapa nchini, hasa katika ongezeko la bei ya mafuta.

Jana, Rais wa Russia, Vladmir Putin aliagiza mashambulizi ya kijeshi mashambulizi ya mabomu nchini Ukraine kufuatia mzozo wa wiki kadhaa baina yao na jitihada za usuluhishi zilishindikana.

Taarifa iliyotolewa na Ubalozi wa Tanzania nchini Sweden ambao unawakilisha pia Ukraine, uliwashauri Watanzania waishio huko kuondoka ikiwa wanadhani kubaki huko si muhimu kwa sasa.

Soma zaidi: Zaidi ya wanajeshi 40 wauawa Ukraine, mataifa yalaani

Pia, ubalozi uliwataka wazazi wenye watoto wanaosoma nchini humo kufanya utaratibu binafsi wa kuwarudisha nyumbani kwa kutumia ndege za abiria zinazofanya safari kutokea Ukraine ili warejee nyumbani hadi hali itakapoimarika.

Soma zaidi:

Rais wa Urusi Vladimir Putin ametangaza operesheni ya kijeshi katika eneo la Donbas nchini Ukraine.

Akitoa tamko hilo katika hotuba ya televisheni Alhamisi asubuhi amewataka wanajeshi wa Ukraine katika eneo la mapigano mashariki mwa Ukraine kuweka silaha chini na kurejea majumbani mwao.

Saa chache baadae milipuko ilisikika katika miji ya Odessa, Kharkiv, Kramatorsk, Mariupol and Kyiv